Prestigjiozja Marca u ka kërkuar tifozëve të zgjedhin lojtarin më të mirë, formacionin më të mirë, zbulimin dhe trajnerin më të mirë të sezonit, por edhe blerjen më të keqe të vitit.
Për sa i takon lojtarit më të mirë, tifozët kanë zgjedhur Karim Benzema para Leo Messi-t dhe Marcos Llorente.
Zbulimi ka qenë Pedri, ndërsa Luis Suarez ka qenë blerja më e goditur.
Blerja më e keqe është konsideruar Miralem Pjanic, i transferuar nga Juventus te Barcelona.
Trajneri i viti është zgjedhur Diego Simeone.
Ky është formacioni i vitit:
Oblak; Pau Torres, Savic, Kounde; Llorente, Modric, Pedri, Carrasco; Gerard Moreno, Benzema, Suarez.
Bie në sy mungesa e Lionel Messi, i cili ka qenë golashënuesi më i mirë i kampionatit me 30 gola në sezonin e sapo mbyllur, shtatë më shumë se Benzema.