Aventura e Hakan Çalhanoglu tek skuadra e Milanit si duket po vjen drejt fundit pasi palët nuk kanë gjetur marrëveshjen për rinovimin e kontratës së mesfushorit që skadon i këtë verë.
Por mediat italiane kanë zbuluar detaje të tjera mbi të ardhmen e mesfushorit kuqezi. Sipas të dhënve të fundit skuadra nga Katari, Al Duhail i ka ofruar Çalhanoglus një kontratë faraonike prej 32 milion eurosh për 4 vite.
Gjithashtu raportohet se është lënë një takim nga përfaqësues të lojtarit me zyrtarë të klubit në Katar, për të diskutuar mbi të ardhmen e 27 vjeçarit.
Aktualisht Hakan, fiton 2.5 milion euro në sezon dhe synimi i agjentëve të tij ishte të nënshkruhej një marrëveshje e re me të paktën 5 milionë euro në sezon, por Milani kishte ofruar vetëm 4.
Me hyrjen në skenë të klubit nga Katari, situata ndryshon rrënjësisht pasi më pare dhe Juvja ishte interesuar për shërbimet e mesfushorit turk.
