Mesfushori i Real Madrid, Toni Kros është futur në izolim pasi ka pasur kontakt të drejtpërdrejtë me persona që kanë rezultuar pozitiv me Covid-19.
Lajmin e bëri të ditur vetë faqja zyrtare e klubit, e cila shkruan se tamponi i Kros ka dalë negativ, por izolimi është i detyrueshëm për shkak të ligjit vendas. Nuk dihet sa do të mungojë mesfushori gjerman, por ky është një problem i madh për madrilenët pasi ndodhen në pikën më të nxehtë të sezonit.
Njoftimi i Real Madrid
“Real Madrid raporton se lojtari ynë Toni Kros është në izolim pasi ai ka qenë në kontakt të drejtpërdrejtë me një person që ka rezultuar pozitiv me COVID-19, megjithëse të gjitha testet që janë kryer tek lojtari kanë qenë negative”.