Kevin de Bryjne është vlerësuar si “Lojtari më i mirë” i kampionatit anglez, një çmim që jepet nga vetë futbollistët.
6 gola dhe 12 asiste në 25 paraqitje i kanë mjaftuar belgut për të bindur kolegët se meriton të jetë më i miri, pavarësisht se në sezonin që sapo përfundoi ngriti trofeun e kampionit të Anglisë dhe atë të Kupës së Ligës. Ndërkohë që mesfushori vlerësohet, stafi mjekësor i Belgjikës është tepër i shqetësuar për gjendjen e tij pas dëmtimit të pësuar në mollëz gjatë finales së Champions-it kundër Çelsit.
De Bryjne ka kryer një ndërhyrje kirurgjikale dhe po lufton me kohën për të qenë sa më shpejt i gatshëm për ekipin dhe trajnerin Martinez. Sidoqoftë, vështirë se ai do të jetë në fushë të shtunën kundër Rusisë kur Belgjika të debutojë në Europianin e këtij viti.