Dita e djeshme ka qenë historike për sportin shqiptar. Dy medalje të arta janë fituar nga sportistët tanë kuqezinj. Më konkretisht: Gjimnasti rus, që garon për Shqipërinë, Matvei Petrov, rrëmbei medalje ari në Kupën e Botës, në Gjimnastikë Artistike, në Osijek të Kroacisë. Për herë të parë në historinë e gjimnastikës shqiptare fitohet një medalje ari në Kupë Botë.
Ky është një emocion i papërshkrueshëm, që mban gjallë shpresën për medaljen e parë në histori të Shqipërisë në Lojërat Olimpike “Tokyo 2020”.
Po dje, medalje ari ka marrë edhe Heldi Valikaj në Kampionatin Ballkanik U-20, që u zhvillua në Stamboll, Turqi. Atleti i kërcimit së gjati është shpallur kampion Ballkani për grup-moshën e tij, duke kërcyer 7.35 metra.
