Talenti shqiptar, Andi Hoti ka rinovuar kontratën me Interin teksa do të jetë pjesë e skuadrës zikaltër deri në verën e vitit 2024.
Hoti i cili luan në rolin e qendërmbrojtësit, u transferua në janarin e kaluar nga skuadra e Zyrihut, dhe u bë pjesë e skuadrës së 17 vjeçarëve të Interit më pas kaloi në radhët e 19 vjeçarëve. Lajmin për rinovimin e kontratës e dha gazetari i njohur Nikola Shira.
Interi shquhet për talentet e saj në skuadrën e Primaveras dhe e cilëson Hotin si futbollist me premisa për të ardhmen, duke mos nguruar t’i ofrojë rinovimin e kontratës.
18 vjeçari ka lindur në Zvicër, por ka zgjedhur të luajë për Kosovën, duke bërë dhe debutimin e tij të parë me 21 vjeçarët e dardanëve.
