Sezoni 2021 i Formula 1 ka pësuar disa modifikime në kalendar për shkak të pandemisë Covid -19. Gjithsesi, të tjera modifikime priten muajt në vijim, duke qenë se sezoni është i gjatë dhe me 23 gara (rekord).
Sipas mediave gjermane, garat e Suzuka (Japoni) dhe Melburn (Australi) janë ende në dilemë, për shkak të masave të rrepta anti-Covid që janë ende në fuqi në këto shtete. Për këtë arsye, ato mund të anullohen.
Mediat konfirmojnë gjithashtu se janë disa opsione për të zëvendësuar pistat në dyshim. Gjithsesi, ideja më e pranueshme është të zhvillohen dy gara në Lindjen e Mesme, në Bahrein (pista e Sakhir) dhe Katar (pista e Losail).