Largimi i Serxho Ramos nga Real Madrid ka ‘’prishur’’ një traditë në shtëpinë e madrilenëve ku pas 117 vitesh kapiten skuadre do të jetë një futbollist që nuk është spanjoll.
Shiritin e kapitenit do ta marrë Marselo i cili është brazilian, ndërsa i dytë në listë është francezi Benzema. Për herë të fundit shiritin e kapitenit si futbollist jo-spanjoll e kishte mbajtur Federiko Reuvelto nga Guatemala në vitin 1904.
Kjo traditë tentoi të ndryshohej nga Zhoze Murinjo në kohën kur ishte trajner i Real Madrid, kur nguroi ti jepte shiritin e kapitenit, Iker Kasijas, por tradita mbeti ende deri sa Ramos vendosi të largohet nga klubi pas 16 vitesh.
