Elseid Hysaj është futbollisti më i përfolur së bashku me Nikola Maksimoviç në ambjentin e Lacios.
Të dy lojtarët e Napolit aktualisht dalin lojtarë të lirë pasi kontrata e tyre i skadon në muajin qershor. Me Sarrin në pankinë Hysaj me shumë gjasa do të veshë fanellën bardhekaltër, ku edhe vetë klubi kryeqytetas i kanë “zyrtarizuar” si dy blerjet e ardhshme si Hysajn dhe Maksimoviç.
Nëpërmjet faqes zyrtare të Lacios, klubi bardhekaltër ka shkruar se çdo komandant ka nevojë për të besuarit e tij për betejat në fushën e lojës dhe në komunikatë shkruhet se këto janë Nikola Maksimoviç dhe Elseid Hysaj. Mesa duket edhe vetë Lacio ka dalë zbuluar teksa me shumë mundësi në orët në vijim mund të vijnë dhe zyrtarizimet si dy blerjet e para të këtij sezoni.
