Skuadra e Dritës ka siguruar shërbimet e ish-mbrojtësit të Feronikelit, Përparim Islami.
Këtë lajm e ka bërë vetë publike ekipi nga Gjilani ku me anë të një postimi në profilin e tyre në rrjetin social në “Facebook” kanë zyrtarizuar këtë blerje ku 28-vjeçari ka firmosur një kontratë 2-vjeçare dhe që do të jetë pjesë e skuadrës edhe në Kupat e Europës.
POSTIMI I KLUBIT TË DRITËS –
“RRUKI është bardhë e kaltër!
Përparim Islami i njohur si RRUKI është afrimi ynë i parë për këtë vit.
Njëri prej mbrojtësve më të mirë i krahut të djathtë mes shumë ofertash ka zgjedhur klubin tonë.
Islami do të jetë pjesë e klubit për dy vitet e ardhshme dhe do të jetë një forcë shtesë në kampionat dhe në garat europiane të cilat do të zhvillohen në muajin korrik!
Islami në të kaluarën ka qenë pjesë e disa klubeve kosovare dhe së fundmi ishte pjesë e KF Feronikeli.
Mirë se vjen Përparim Islami
FC DRITA⚪️🔵”