Zhoze Murinjo kërkon të krijojë një Romë me emra të mëdhenj.
Pas Granit Xhakës, tani tekniku portugez kërkon që të marrë përsëri në skuadër lojtarin që e ka patur stërvitur tek Reali i Madridit, Serxho Ramosin.
Mbrojtësi spanjoll njoftoi largimin nga madrilenët pak ditë më parë dhe do të ishte i gatshëm që të aktivizohej dhe në Serinë A italiane. Roma për të do të ofrojë një kontratë dy-vjeçare dhe me një pagë prej 7,5 milionë euro neto në sezon që përkthehej në 10 milionë euro bruto në sezon.
Por kjo shifër është relativisht e ulët nga sa ajo që merrte në Madrid, plot 12 milionë euro në sezon. Gjithsesi pozitive është që Ramos do të kishte lehtësira fiksale ashtu siç ndodhi edhe me Kristiano Ronaldon tek Juventusi.
35-vjeçari ka marrë kohë për t’i shqyrtuar si duhet ofertën më të mirë, sepse pas tij janë dhe Mançester Junajtid dhe ekziston mundësia e transferimit të tij në MLS-në amerikane ose në Katar
