Pavarësisht nga e ardhmja e Cristiano Ronaldo-s, në qendër të projektit të Juventus do të jetë Paulo Dybala.
Kjo është ajo që ka vendosur trajneri Massimiliano Allegri pas kthimit të tij në drejtim të bardhezinjve. Joya është një thesar që duhet rikuperuar dhe tek i cili duhet bazuar e ardhmja.
Tani, detyra e drejtuesve të Juventus është të arrinjë një marrëveshje me lojtarin për kontratën që skadon në vitin 2022.
Sipas Calciomercato.com, Juventus synon t’ia zgjasë kontratën për tre sezone të tjerë, duke ia rritur rrogën nga 7.3 milionë euro në sezon në 10.
Menaxheri Jorge Antun kërkon 12 milionë, një distancë që nuk tremb Zonjën e Vjetër.
