Kur jemi në periudhë merkatoje, edhe rinovimet janë lëvizje të zgjuara të klubeve për të mbajtur lojtarët e tyre pjesë të skuadrës të paktën edhe për një sezon tjetër.
Juventusi duket se më në fund ka vendosur të mbajë Paolo Dibalën pjesë të ekipit dhe i ofruar rinovim të kontratës Sipas “La Gazzeta dello Sport” klubi ka planifikuar një takim me agjentin e lojtarit, duke e konsideruar argjentinasin pjesë të rëndësishme të skuadrës.
Rikthimi i Misimiano Alegrit në krye të Juventusit ka bërë që të konsiderohet pikë kyçe në projektin e tij. Dibala ka edhe 1 vit kontrate me bardhezinjtë dhe për të mos e humbur në një transferim falas sezonin tjetër, drejtuesit besojnë se sulmuesi do të nënshkruajë një marrëveshje të re me vlerë 10 milion euro plus bonuse.
Kontrata aktuale e 27-vjeçarit ka vlerën e 7.3 milion euro, në këto kushte duket se argjentinasi do pranojë të zgjasë bashkëpunimin me “Zonjën e Vjetër”.
Kujtojmë se Dibala u transferua tek Juventusi nga Palermo në 2015, i cili më pas nënshkroi një marrëveshje të re 5-vjeçare në vitin 2017 duke u kthyer kështu në një lojtar të rëndësishëm për skuadrën italiane.
