Elseid Hysaj do të vazhdojë të jetë pjesë e Serisë A edhe në ta ardhmen. Ndonëse do të largohet nga Napoli, shqiptarin do e shikojmë përsëri në kampionatin italian.
“La Gazzetta dello Sport”, raporton ditën e sotme se marrëveshja është arritur dhe Hysaj do të vazhdojë karrierën e tij te skuadra e Lacios.
Sarri e do me çdo kusht në ekip dhe për këtë arsye drejtuesit kanë nisur kontaktet me shkodranin, ku thuhet se akordi mes palëve është arritur dhe Hysaj do të bashkohet me Lacion pas 30 qershorit, ku i përfundon edhe kontrata me Napolin. 27-vjeçari do të bashkohet me Lacion si lojtar i lirë dhe do të përfitojë 1.5 deri në 2 milionë euro në sezon.
