Interi dhe Roma kanë arritur marrëveshjen për të kryer shkëmbimin Politano-Spinacola.
“Sportmediaset” njofton se palët kanë rënë dakord për të plotësuar kërkesat e njëri-tjetrit gjatë këtij sezoni dhe të dy futbollistët italianë do të kryejnë vizitat mjekësore ditën e nesërme për të firmosur më pas kontratën.
Interi mirëpriti kërkesën e Romës për të marrë anësorin Politano, i çili do të zëvendësojë Nikolo Zaniolon e dëmtuar në ligament, gjë që ka bërë të mungojë për të paktën 6 muaj, ndërsa nga ana tjetër Roma vendosi të plotësonte kërkesën e zikaltërve për të marrë mbrojtësin e krahut Spinacola.
Ndërkohë, puna për merkaton e Interit vazhdon teksa drejtuesit zikaltër presin përgjigje nga Oliver Zhiru dhe Eshli Jang.