Pavarësisht se nuk u preferua kurrë nga Antonio Konte dhe dëmtimeve të shpeshta të tij, Matias Vecino do të qëndrojë tek Interi.
Sipas asaj që raporton e përditshmja sportive italiane “Corriere dello Sport”, drejtueset zikaltër kanë marrë vendimin se mesfushori uruguajan do të qëndrojë tek Interi.
Vesino do të luajë sezonin e tij të 5 tek Interi teksa sezonin që sapo lamë pas 29-vjeçari është aktivizuar në total në të gjitha kompeticionet në 9 ndeshje nga ku ka realizuar dy gola dhe ka dhuruar dy asist.
Vesino u ble në verën e vitit 2017 nga Fiorentina ku Interi theu klauzolën e tij prej 24 milionë eurosh.
