Mauricio Sarri me shumë mundësi pritet të jetë trajneri i ri i Lacios, teksa do të pasojë në stol të larguarin Simone Inzagi.
Ditët e fundit ka pasur një takim mes teknikut italian dhe drejtorit të Lacios, Igli Tare, ndërkohë që janë zbuluar edhe disa nga kërkesat e trajnerit në merkato. Sipas “La Gazzetta dello Sport” për mbrojtjen Sarri ka kërkuar Elseid Hysajn. Shqiptari pëlqehet shumë nga 62-vjeçari, i cili e ka stërvitur më parë te Napoli dhe Empoli, teksa tashmë e do edhe te Lacio.
Megjithatë nuk është vetëm Hysaj kërkesë për merkaton. Thuhet se Sarri ka kërkuar gjithashtu për mbrojtjen edhe Likojanis, ndërsa në mesfushë do Nandezin nga Kaljari. Për sulmin i ka idetë e qarta, kërkohet ylli i Atalantës, Josip Iliçiç, i cili me shumë mundësi do të largohet nga zikaltërit.
