Të mërkurën në mbrëmje do të jenë rivalë në një prej ndeshjeve më të shumëpritura të Europianit.
Antoine Griezmann është gati të sfidojë Cristiano Ronaldo-n, për të cilin ka folur në konferencë për shtyp.
“CR7 është një burim frymëzimi për të gjithë, është fantastik të shikosh të bëjë gjëra të caktuara në moshën 36 vjeç”, ka thënë ylli i Barcelona-s dhe Francës.
“Nuk ka asnjë si ai dhe Messi. Cristiano është akoma një finalizues i madh dhe një futbollist i kompletuar. Shënon me të djathtën, të majtën, me kokë… Është një shembull për lojtarët e rinj dhe për ata më pak të rinj, mund t’i ndihmojë në formimin e tyre”, ka thënë Griezmann për portugezin.
