Anglia dhe Ukraina do të ndeshen në fazën çerekfinale në një sfidë që do luhet të shtunën në Romë.
Në shtatë sfida të luajtura mes këtyre dy skuadrave ata që kanë fituar më shumë janë anglezët. Katër fitore, 2 barazime dhe vetëm një humbje për “Luanët”.
E vetmja fitore për skuadrën e Ukrainës daton në kualifikueset e Botërorit 2010. Atëherë anglezët mundeshin 1-0. Ndeshja e fundit mes këtyre dy skuadrave është luajtur në Europianin e 2012- ës në fazën e grupeve e fituar 1-0 nga ishullorët.
