Italia është skuadra e parë që kualifikohet në 1/8-at e Euro 2020.
Në Olimpico të Romës, kombëtarja e Mancini-t ka mundur 3-0 Zvicrën dhe mbetet me pikë të plotë në Grupin A pas dy ndeshjesh.
Njeriu i mbrëmjes ka qenë Manuel Locatelli, autor i një dygolëshi, në fillim duke mbyllur një aksion të filluar nga vetë ai me një sprint të frikshëm në minutën e 26-të dhe më pas me një të majtë në cep nga jashtë zone në minutën e 52-të.
Qershia mbi tortë ka qenë goli i Ciro Immobile-s në minutën e 89-ës.
Italia nuk pëson gol prej dhjetë ndeshjesh radhazi, duke fituar çdo dneshje dhe duke shënuar 31 gola.