Holanda vjen në fazën 1/8 në kushte perfekte, me një rrugëtim të shkëlqyera në grupe, me 3 fitore në po kaq ndeshje.
“Tulipanët” zbresin në fushë me stofin e një ekipi favorit përballë Republikës Çeke, por e kaluara e afërt nuk i del në krahë kur bëhet fjalë për shifra dhe përballje direkte. Në 11 ndeshje ndërmjet tyre, Republika Çeke ka fituar 5, ka humbur tre dhe tre ndeshje kanë përfunduar në barazim ndërmjet tyre.
Këto janë detaje që kanë pak rëndësi për Frank De Boer, fakt është që rivali i tij të imponon respekt për atë që kanë dhënë në fushë deri më tani. Pritet një sfidë e bukur dhe e luftuar nga të dyja kombëtaret, ku gabimet janë të pafalshme pasi do të ktheheshin në eliminim direkt.
