Mbrojtësi i Barcelonës, Zherard Pike ka bërë një deklaratë të bujshme duke u shprehur se nëse i thonë të largohet nga Barcelona do të largohej përgjithmonë nga futbolli pas nuk mund të luajë në asnjë ekip tjetër.
Në një dalje për ‘’Twitch’’, spanjolli nuk nguroi t’i shprehte dashuri të përjetshme katalanasve duke deklaruar se kurrë nuk do të luante për një skuadër tjetër.
‘’Ditën që unë do të ndaloj së luajturi për Barcelona do të largohem nga futbolli. Unë kurrë nuk do të luaj me ekipe të tjera.
Ka njerëz që lëvizin për para dhe të tjerë për ndonjë gjë tjetër, por unë jo. Nëse Kuman më thotë nesër se duhet të largohem nga Barcelona, unë do të lë futbollin. Unë nuk dua të luaj për asnjë ekip tjetër përveç Barçës”, u shpreh Pike.
