Xhakomo Raspadori është futur në listën e disa prej klubeve më të mëdha në Itali dhe më gjerë.
Sulmuesi 21 vjeçari aktualisht ndodhet i grumbulluar me Italinë në Europian, por ofertat drejt Sasuolos nuk mungojnë për talentin. Këtë gjë e ka konfirmuar dhe drejtori i klubit, Xhovani Karnavali i cili u shpreh për një interesim të Interit, por vullneti i klubit është që ta mbajë ende në skuadër.
“Raspadori dhe Skamaka janë dy futbollistë të mirë që kanë shumë kërkesa, por vullneti I klubit është që ti mbajë për të ardhmen. Biseduam me mikun tonë Marotan për Raspadorin, por është normale. Ai është një djalë i ri me perspektivë dhe nuk mendojmë të heqim dorë. Duhet thënë që ofertat nga jashtë Italie janë më të kënaqshme se këtu, por do të shohim”, tha Karnevali.
