Deklarata e Rafael Van der Vaart për Spanjën bëri bujë të madhe. Ish-mesfushori holandez e etiketoi “Furinë e Kuqe” si një nga ekipet më të dobëta të kampionatit dhe shpresoi që “Tulipanët” ta kishin në rrugëtim gjatë Europianit.
Mirëpo ditën e djeshme ai bëri autokritikë dhe reagoi përmes rrjeteve sociale duke thënë se deklarata e tij motivoi shumë Spanjën.
“Duket se fjalët e mia kanë shërbyer si motivim për Spanjën. Ishte një ndeshje mjaft e mirë këtë herë. Dua ta uroj kombëtaren që arriti në fazën me eliminim të Europianit”, ishte deklarata e Van der Vartit pas triumfit me goleadë të Spanjës.
