“Personalitet dhe qëndrueshmëri, unë jam krenar për këtë ekip”. Këto janë fjalët e Romelu Lukaku, pas fitores së mbrëmshme ndaj Cristiano Ronaldos dhe Portugalisë. Falë golit të Thorgan Hazard, “Djajtë e Kuq” u kualifikuan në çerekfinalet e “Euro 2020”, ku do të përballen me Italinë. Sulmuesi zikaltër shtoi në profilin e tij në Instagram: “Na është dashur të gërmojmë thellë për ta fituar këtë ndeshje”.
Në fakt, belgët shkurorëzuan kampionët e Europës në fuqi, duke dëshmuar se kanë potencial. Yjet nuk i mungojnë, por dëmtimet e kapitenit Hazard dhe De Bryune shqetësojnë. Fabio Capello tha sot se për axurrët është kundërshtar më i lehtë Belgjika sesa Portugalia. Tani duhet të flaës fusha e blertë, se kush kalon në gjysmëfinale.
