Ylli i Juventus, Douglas Costa, ka bërë një krahasim mes Maurizio Sarri-t dhe Pep Guardiola-s, me të cilin ka punuar në kohët e Bayern Munich.
“Të dy këmbëngulin te presingu dhe e mbajnë shumë lart mbrojtjen. Guardiola-s i pëlqejnë prekjet e shpejta të topit, ashtu si Sarri-t, por trajneri i ri kujdeset më shumë për fazën mbrojtëse”, ka thënë braziliani.
“Janë trajnerë të ndryshëm, por që ofrojnë një ide të ngjashme futbolli. Unë jam një lojtar shumë sulmues dhe loja e Sarri-t është perfekte për mua”.
“Rreshtimi që i bën ai skuadrës është shumë stimulues për ne sulmuesit, Ronaldo, Higuain dhe Dybala. Pozicionimi më afër portës na ndihmon të kemi një rendiment më të mirë”.
