Të shumta kanë qenë ndryshimet në pankina të klubeve të Serisë A në fund të sezonit. Sasuolo është ekipi i radhës që ka gjetur trajnerin e ri, që do të ulet në pankinën e emilianëve sezonin e ri.
Pas largimit të Roberto De Zerbit drejt Shakhtarit, drejtuesit e Sasuolos, do t’i besojnë “timonin” e skuadrës”, Alesio Dionisit, një trajneri i ri, protagonist i një sezoni fantastik me Empolin në Serinë B, që u konkretizua me ngjitjen e toskanëve në elitën e futbollit italian.
Sasuolo ia ka dalë të mposhtë konkurrencën e disa skuadrave, mbi të gjitha të Sampdorias, për të marrë Dionisin, ndërsa marrëveshja është konfirmuar edhe nga presidenti i Empolit.
