Partizani ja ka dalë me sukses në testin e parë miqësor të zhvilluar këtë verë, teksa ka mundur me rezultatin 0-1 nënkampionen e Maqedonisë së Veriut, Shkupin.
Në sfidën e luajtur në stadiumin e Ohrit vendosi goli i Esat Malës në minutën e 20-të, teksa ‘’demat e kuq’’ testojnë veten me një gjysmë ekipi. Surprizë ishte dhe aktivizimi i mbrojtësit të Dinamos, Niko Paterni, i cili nuk dihet nëse ka firmosur kontratë me kryeqytetasit apo është në periudhë prove.
Gjithsesi skuadra e Dajës do të vazhdojë fazën përgatitore në Ohër, dhe më pas do të rikthehen në Shqipëri për tu përgatitur për dy ndeshjet e Ligës së Konferencës kundër Sfintul George.
