Samuel Umtiti po kthehet në një problem serioz për Barcelona-n.
Sipas Sport, klubi katalanas po kërkon zgjidhjen e duhur për të “shkarkuar” lojtarin që nuk bën më pjesë në planet e klubit.
Drejtuesit do të takohen me qendërmbrojtësin për ta bindur të ulë rrogën dhe që të largohet me formulën e huazimit, një zgjidhje që është provuar të gjendet sezonin e kaluar.
Umtiti, për momentin, nuk është dakord dhe Barcelona mund të marrë masa ligjore, gjithmonë sipas së përditshmes spanjolle, duke arritur edhe te prishja e kontratës.
Shpresa e klubit është që të mos arrihet në këtë pikë, duke parë se kontrata e tij skadon në qershorin e vitit 2023.
