Momenti i së vërtetës po afron. Të gjithë sportdashësit i kanë sytë nga stadiumi “Santiago Bernabeu”, ku Real Madrid dhe Bayern Munchen luajnë ndeshjen gjysmëfinale të kthimit të Champions League-s. “Galaktikët” ishin mjaft precizë në Mynih , ku me ato pak raste të pakta sa kishin, i shfrytëzuan më së miri dhe morën një rezultat mjaft komod (1-2). Bavarezëve u duhen minimalisht 2 gola që të jenë në garë për të shkuar në finale.
Cristiano Ronaldo dështoi të shkëlqente në Gjermani, por padyshim në shtëpinë e tij do të jetë ai, i cili bavarezët duhet të kenë frikë. Trajneri Zinedine Zidane e la pushim portugezin në ndeshjen e fundjavës kundër Leganes, vetëm që të jetë në formën e tij më të mirë kundër Bayern-it.
Jupp Heynkes është optimist për ndeshjen e radhës. Ai tha që lojtarët e tij gabuan aq shumë në ndeshjen e parë saqë nuk kishte parë asnjëherë një ndeshje aq të çuditshme, por shqetësimi i tij i vetëm nuk është vetëm ky, por dhe infermieria, ku ka 5 lojtarë titullar të dëmtuar.
Bayern Munich quhet si “La Bestia Negra” ose ndryshe “Macja e zezë” e Real Madridit, por vitet e fundit më këtë pseudonim duket se e meritojnë madrilenët. Ata kanë 6 fitore radhazi kundër gjermanëve në Champions dhe po dominojnë sa herë që përballen. Të dy ekipet janë ndeshur 19 herë në këtë kompeticion dhe takimet kanë përfunduar: 10 ftore Real Madrid , 8 Bayern Munchen dhe 1 barazim.
Disa statistika për këtë supersfidë:
Madrilenët kanë fituar 6 nga 7 ndeshjet e fundit të këtij kompeticioni dhe kanë shënuar të paktën nga 2 gola në secilën prej tyre.
Vendasit kanë marrë 6 fitore rresht ndaj ekipit të Bayernit në CHL dhe në 3 përballjet e tyre të fundit kanë përfunduar me 3 gola minimalisht.
Bavarezëve i duhen të paktën 2 gola për të luftuar për finalen e Kiev-it.
Mungesat
Bayern Munchen: Manuel Neuer , Vidal , Arjen Robben , Kingsley Coman dhe Boateng.
Real Madrid: Dani Carvajal , Nacho (në dyshim) dhe Isco (në dyshim).
Formacionet e mundshme priten të jenë:
Real Madrid:
Në portë: (Navas)
Në mbrojtje: (Vasquez , Ramos-Varane , Marcelo)
Në mesfushë: ( Kross – Casemiro – Modric dhe Asensio)
Në sulm : (Ronaldo – Bale)
Bayern Munchen:
Në portë : (Ulreich)
Në mbrojtje: (Kimmich, Sule-Hummels , Alaba)
Në mesfushë : (Thiago Alcantara – Javi Martinez – James Rodriguez)
Në sulm: (Muller – Leëandovski – Ribery)
A do të arrijë Bayern Munchen të kualifikohet? Kjo mbetet për tu parë.
Presim një sfidë e cila do të luhet si finale Champions League.