Federiko Bernardeski do të vijojë të jetë pjesë e Juventusit edhe sezonin e ardhshëm.
Sulmuesi anësor i bardhezinjve i cili aktualisht është i impenjuar me kombëtaren e Italisë në EURO 2020, do të vijojë edhe vitin e fundit të kontratës së tij me fanellën e “Zonjës së Vjetër”.
27-vjeçari nuk do të përfshihet me asnjë tratativë shkëmbimi merkatoje dhe do të jetë pjesë e urdhrave të Masimiliano Alegrit që e sheh ideal për skemat e tij.
Gjithashtu drejtuesit e Juventusit, po shohin mundësinë e rinovimit të kontratës së tij për arsye që mos të rrezikojnë për ta humbur me parametra zero vitin e ardhshëm.
Gjatë sezonit të kaluar, Federiko Bernardeski u aktivizua në total në të gjitha kompeticionet në 39 ndeshje nga ku dhuroi dhe 3 asist.