Gianluigi Buffon ka ide të qarta. Dhe, së shpejti, ai do të regjistrojë një kthim në të kaluarën, duke mbrojtur ngjyrat e Parmës. Një kontratë është e gatshme për të deri më 2023, me firmën që duket vetëm formalitet. “Vendosa të vazhdoj të luaj, sepse ende ndihem mirë”, – tha veteran 43-vjeçar, që kaloi gati dy dekada duke mbrojtur portën e Juventusit.
Vullneti i trajnerit emilian, Enzo Maresca, i cili ishte bashkëlojtar i SuperGigi te bardhezinjtë, ishte vendimtar. Me pak fjalë, në moshën 43 vjeç, Buffon nuk do t’i varë dorezat e tij në gozhdë. I fortë nga ana psikofizike, ende për të treguar gjëra të mira në futboll:
“Unë e mora vendimin midis lënies dhe vazhdimit të futbollit. Do të vazhdoj. Shtysë për këtë hap u bë Ky është një fakt sepse unë ende ndihem gjendja ime fizike, teksa ndihem mirë dhe i fortë. Performancat që bëra janë përgjigjja më e mirë. Në një moshë të caktuar gjeta siguri; shokët e ekipit të japin ty përgjigjet më të mëdha. Kur hyni në dhomën e zhveshjes, perceptoni se çfarë mendojnë ata për ju. Vlerësimi më bëri të kuptoj se është e drejtë të vazhdoj. Më vonë do të zbuloj disa mesazhe që këmbeva me shokët e mi të skuadrës, të cilët kanë dhënë aq shumë. Nuk kam marrë vendim të nxituar. Unë nuk jam ai që më pëlqen t’i mbaj njerëzit në majë të gishtave, nuk është ky karakteri im”.
Në “Sky”, pa e përmendur atë, Buffon konfirmoi se pista e Parmës është shumë e nxehtë: “Më duheshin nja dy javë për të kuptuar nëse duhet të ndaloja apo jo. Përgjigjja ka ardhur dhe unë do të vazhdoj. Ka propozime joshëse, nga skuadra që do të luajnë si protagonistë në Champions League. Unë hodha poshtë idenë e të qenit porter i dytë, sepse e kam eksperimentuar tashmë te Juve. Nesër do ta takoj agjentin tim dhe brenda 2-3 ditësh do të marr vendimin final”.
Në fund, një parantezë mbi Juventusin: “Sarri-Pirlo ishte një ide e dizajnit ndryshe dhe e revolucionit, që mbase menduam se do të shkonte më mirë. Zgjedhja e Allegrit është shumë e sigurt dhe jep garanci të bollshme. Rikthimi i tij pas 2 vitesh mund të bëjë vetëm mirë, sepse ai dëshiron hakmarrje dhe shpagim. Max, kur është kështu, mund të bëjë vetëm mirë”.
