Pas humbjes befasuese ndaj Çekisë me rezultatin 0-2, në mikrofonat e “NOS TV” ka folur kapiteni i Holandës, Georginio Wijnaldum, i cili ka komentuar dhe këtë disfatë ndaj kombëtares çeke duke u eliminuar në fazën e 1/8 të EURO 2020:
“Goli që kemi dhuruar, rastet që nuk i kemi shfrytëzuar këto janë faktorët kryesorë. Pas kartonit të kuq kemi pasur vështirësi që t’i vendosim nën presion.
Gjërat filluan duke u bërë më të vështira për ne, edhe pse e gjithë ndeshja ishte shumë e vështirë. Në një farë mënyre nuk kemi mundur dot të menaxhojmë çdo gjë që ato na vendosën në vështirësi.
Nuk kemi mundur dot të krijonim hapësira. Kemi krijuar disa raste në pjesën e parë, por ishte e pamjaftueshme.”, përfundoi Vajnaldum.
