Kristian Eriksen u largua nga spitali ditën e djeshme, ku qëndronte i shtruar nga dita e shtunë, pas atakut kardiak që pësoi në ndeshjen mes Danimarkës dhe Finlandës.
Mesfushori i ka bërë një surprizë të bukur, lojtarëve dhe stafit të Danimarkës, në prag të një sfide të rëndësishme siç është ajo ndaj Rusisë ditën e hënë. Eriksen i ka shtangur të gjithë, teksa ditën e sotme është shfaqur në qendrën stërvitore, ku Danimarka po përgatite për ndeshjen e radhës.
29-vjeçari ka përshëndetur shokët e skuadrës, si për t’i motivuar për një fitore të hënën, pasi do të rihapnin shpresat për të kaluar më tej, pavarësisht se dy ndeshjet e para i humbën.
