Trajneri Alesio Dionisi ka vendosur të largohet nga skuadra e Empolit, teksa po përgatitet për të marrë drejtimin e skuadrës së Sasuolos. Në mediat italiane thuhet se marrëveshja mes palëve është arritur dhe pritet vetëm zyrtarizimi tashmë.
Në Itali tashmë kanë zbuluar edhe dëshirat e trajnerit në merkato. Thuhet se Dionisi i ka kërkuar drejtuesve të Sasuolos, t’i afrojnë në skuadër edhe fantazistin e Empolit, Nedim Bajrami.
Shqiptari pëlqehet shumë nga Dionisi, i cili e kishte një titullar të padiskutueshëm në skuadër sezonin e fundit. Drejtuesit e Sasuolos kanë nisur menjëherë nga punë dhe kanë bërë kontaktet e para me përfaqësuesit e lojtarit.
