Sulmuesi i Milan-it, Alexis Saelemaekers, ka bërë disa deklarata interesante në intervistën e dhënë për Eleven Sports Belgium.
Ylli i kuqezinjve ka folur për shokun e tij të kombëtares Romelu Lukaku:
“Në disa aspekte është armiku im më i keq. Por njëkohësisht është një nga miqtë e mi më të mirë në Milano. Por, nuk mund të dalim bashkë: në Milano futbolli është si një fe. Nëse tifozët do të na shikonin bashkë, do të zemëroheshin. Është një njeri i madh nje futbollist i mirë”, ka thënë Saelemakers.
Për Ronaldo-n:
“Në ndeshjen time të dytë ose të tretë me Milan-in, më ka përqafuar. Jam rritur duke patur atë një nga idhujt e mi. Nuk më njihte, por ka mësuar për transferimin tim te Milan dhe më ka uruar për këtë. Nuk do ta besoje kurrë që një lojtar i tillë të ishte aq i përulur. Një çmenduri”.