Fusha e betejës është “Euro 2020”, teksa sfidantët janë lojtarët e Bundesligës dhe Serisë A. Statistikat që lojtarët e këtyre ligave po bashkojnë janë të jashtëzakonshëm, sepse nga 28 golat e shënuar në total, 18 vijnë, të ndarë në mënyrë të barabartë, nga Italia dhe Gjermania. Ata që mbajnë lart emrin e Serië A janë Romelu Lukaku dhe Kristiano Ronaldo, me nga 2 realizime secili, ndërsa kampionatin gjerman e “udhëheq” Patrik Shik me 2 gola.
Golat për kampionatin italian tonë vijnë nga të gjitha departamentet: nga mesfusha me polakun e Torinos Lineti, nga mbrojtja me internistin Shkriniar dhe me firmat “axurre” të Imobiles dhe Insinjes. Goli më romantik, sidoqoftë, është sigurisht ai i Goran Pandevit të përjetshëm që në moshën 38- vjeçare, shënoi golin e parë në një fazë finale të Europianit për ekipin e tij kombëtar. Për të rritur disi ortekun e golave “nga Seria A” duhen nënvijëzuar gjithashtu momentet e hidhura për juventinë si Shezni dhe Demiral, autorë të një autogoli për kokë. Në rastin e portierit është edhe më i hidhur, pasi është i pari në historinë e turneut kontinental.
SA PAK NËPËR EUROPË – Nga ana tjetër, për Bundesligën golat kanë ardhur nga lojtarë jogjermanë: Guerreiro nga Portugalia, Mënie nga Belgjika dhe Embolo nga Zvicra. Në listë duhet të përfshijmë edhe austriakët Lainer dhe Gregoriç, holandezin Veghorst dhe finlandezin Pohjanpalo. Asnjë golashënues nga Bajerni i Mynihut dhe Lajpcigu, të klasifikuara në vendet e para të kampionatin të fundit gjerman. Në këto kushte, Ligave të tjera u kanë mbetur thërrime, me vetëm 10 gola të shënuar: Stërling, Uajnaldum dhe Jarmolenko i japin vendin e tretë Anglisë, ndërsa kampionati spanjoll dhe francezët e Ligue 1 regjistrojnë një “zero me xhufkë” shumë të trishtuar. Sigurisht, janë luajtur vetëm ndeshjet e para të grupeve parë, por tashmë është një shenjë e kthimit në nivele të larta të lojtarëve në kampionatin italian, ndërsa Gjermania konfirmohet si një vatër talentesh në çdo sektor.