Markus Rashford shënoi golin e vetëm të Anglisë në fitore 1-0 në miqësoren ndaj Rumanisë, duke konvertuar një penallti në gol në pjesën e dytë.
Sipas “OptaJoe”, ky ishte goli i 100-të që 23-vjeçari ka shënuar në karrierën e tij profesionale duke arritur një shifër mbresëlënëse për moshën e tij. Ai ka shënuar 88 gola me Mançester Junajtid dhe 12 gola me Anglinë.
Nëse vazhdojmë akoma dhe zbulojmë me tepër rekordin e tij, shikojmë se Rashford ka arritur të shënojë 55 gola në Premier League, 7 në FA Cup, 8 në League Cup, 11 gola në Champions League dhe 7 gola në Europa League.
23-vjeçarit i duheshin 312 ndeshje për të arritur këtë pikë referimi, dhe kjo ndodhi kur Rashfordit iu dha shirit i kapitenit për herë të parë në një ndeshje me Anglinë.