COVID-19 ka prekur çdo sferë të jetës dhe absolutisht nuk kishte si të mungonte edhe në “Euro 2020” dhe në këto kushte futbollisti i fundit që ka rezultuar pozitiv me Covid-19 është edhe Serxhio Buskets.
Pas grumbullimit me kombëtaren spanjolle për ndeshjet e “Euro 2020” i është dashur të largohet nga pjesa tjetër e skuadrës dhe menjëherë i gjendur në vështirësi trajneri Luis Enrique ka telefonuar futbollistin e Selta Vigos, Brais Mendez.
Siç raporton “Marca” kjo telefonatë urgjente nga ana e timonierit të kombëtares spanjolle ka detyruar Mendez të ndërpresë pushimet në Mynokos të Greqisë i cili ndodhej me të dashurën e tij për t’u venën nën urdhrat e tij për të zëvendësuar Busketsin në “Euro 2020”
24-vjeçari Mendez kishte debutuar për “Furinë e Kuqe” në vitin 2018, teksa tashmë duket se do të ketë shansin e artë për të luajtur me kombëtaren në Europian. Ai mund të luaj në pozicionet e sulmit dhe të mesfushës dhe në këtë mënyrë mund të përdoret aty ku skuadra ka nevojë.
