Barcelona e mbyll vitin 2019 në mënyrën më të mirë të mundshme duke fituar me rezultat të thellë dhe spektakël ndaj Alaveshit në javën e 18-të kampionatit spanjoll.
“Thatësira” e së mërkurës u kthye në rrebesh pasditen e sotme teksa kampionët në fuqi të Spanjës realizuan 4 herë në portën e Alaveshit. Grizman, Vidal, Mesi dhe Suarez lanë shenjën e fundit për 2019.
Ndërkohë nuk dihet nëse kjo ishte sfida e fundit apo jo për mesfushorin kilian Arturo Vidal. Ai përflitet se mund të lëvizë gjatë janarit te Interi në formë huazimi. Mosaktivizimi si titullar në “El Klasikon” e së mërkurës bëri që ai të largohej i acaruar nga seanca stërvitore, ndërsa edhe minutat në fushë kanë qenë të pakta për të.
