Zherom Boateng nuk u thirr nga trajneri Joakim Lëv për të bërë pjesë në skuadrën e Europianit. Ndryshe nga Myler dhe Humels që u larguan në 2018 së bashku me Boateng, mbrojtësi i Bajernit u injorua nga Jogi.
Vëllai i tij Kevin Princ Boateng lëshoi vrer kundër Lëvit duke thënë: “Nuk e kuptoj se si mund të lësh jashtë një lojtar që ka qenë protagonist me klubin e tij duke fituar gjithçka. Lëv ka probleme”.
Ndërkohë, edhe ish-mesfushori Bastian Shvajnshtaiger tha se nuk e kuptonte vendimin e trajnerit. “Është e habitshme lënia jashtë e Zheromit. Ai do t’i bënte shumë punë kombëtares në Europian. Ka shumë eksperiencë dhe mjafton që të ishte i grumbulluar. Gjithsesi, është vendimi i trajnerit dhe duhet respektuar”, tha Shvajni.