Legjenda e Danimarkës, Peter Schmeichel, ka reaguar ashpër ndaj vendimit të UEFA-s, që skuadrat të riktheheshin në fushë, pas asaj që i ndodhi Kristian Eriksenit.
Babai i portierit aktual, Kasper Shmajkëll, ka thënë se vendimi ishte qesharak, pasi lojtarët e kishin të pamundur të luanin, pas asaj që ndodhi, ku Eriksen pësoi atak kardiak.
“Vendimi i UEFA-s ishte me të vërtetë qesharak. Ishte diçka e tmerrshme që UEFA i kërkoi lojtarëve të dilnin dje në fushë, ose sot në 12 të mesditës. Ishin këto dy alternativat që u dhanë. UEFA bëri diçka qesharake, të kishte gjetur një zgjidhje tjetër. Rezultati nuk ishte i drejtë. Lojtarët do të luanin vetëm nëse Kristian do të ishte gjallë, prandaj kontaktuan me atë.”, tha Shmajkëll
