Teuta ka vijuar dje përgatitjet në Ohër të Maqedonisë me një grup të plotë në dispozicion të trajnerit Edi Martini.
Lajm i mirë për durrsakët është fakti se nuk ka pasur asnjë dëmtim në këtë periudhë, pasi edhe lojtarë si Gruda apo Todorovski, i kanë kaluar tashmë problemet fizike që kanë pasur. Të hënën i gjithë grupi, përfshi edhe afrimin më të fundit, Taulant Seferi, u stërvit normalisht.
Ndërkohë, nesër në orën 17:00, Teuta do të zhvillojë miqësoren e fundit në tokën maqedonase, këtë herë kundër Strugës në stadiumin e kësaj të fundit. Rivali i radhës për durrsakët militon në Superligën e Maqedonisë dhe këtë sezon merr pjesë për herë të parë në Ligën e Konferencës.
