Mediat franceze e kanë bërë fakt të kryer transferimin e Xhixhi Donarumas drejt PSG-së, teksa flitet mbi arritjen e një marrëveshje për një periudhë 5 vjeçare me 12 milionë euro në sezon për ish-gardianin e Milanit.
Por ‘‘L’equip’’ i ka habitur të gjithë duke nxjerrë në pah planin e PSG-së mbi të ardhmen e Donarumas.
Sipas asaj që shkruan gazeta franceze, parisienët nuk duan të privohen nga mundësia për të siguruar shërbimet e një portieri me shumë perspektivë për të ardhmen, duke i ofruar një kontratë afatgjatë, por momentalisht nuk mund ta afrojnë në skuadër sepse forma e mirë e portierit aktual Kejlor Navas do të sillte një konkurrencë të padëshiruar brenda klubit.
Për këtë arsye, drejtuesit e PSG-së kanë menduar që me nënshkrimin e kontratës, ta huazojnë Donaruman për një sezon tek Roma e cila është vënë pas një portieri.
Kështu 22 vjeçari do të luante përsëri në Itali dhe pas largimit nga Milanit, teksa kësaj radhe do të stërvitej nga Zhoze Murinjo.
