Patrik Bardhi është lojtari më ri i Dinamos. Sulmuesi 23-vjeçari mbylli aventurën me Kastriotin dhe ditën e sotme është zyrtarizuar te blutë e kryeqytetit.
Bardhi bëhet kështu zyrtarizimi i parë i Dinamos në merkato, pak ditë pas prezantimit të trajnerit Bledi Shkëmbi.
“Nëndetësja blu” u rikthye në Superiore, pas 9 viteve mungesë dhe drejtuesit po punojnë për ndërtimin e një skuadre kompetitive.
“Patrik Bardhi është firma e parë e projektit të ri. Sulmuesi 23-vjecar vjen pas një aventure të suksesshme në Kategorinë Superiore duke treguar rritje në karrierën e tij sportive.”, thuhet në njoftimin e Dinamos.