Papunësia e Filipo Inzagit pas largimit nga drejtimi i Beneventos ka zgjatur shumë pak. Ish-lojtari i Milanit është zyrtarizuar në krye të skuadrës së Breshas.
Këta të fundit pasi dështuan të sigurojnë ngjitjen në Serie A në sezonin që lamë pas, vendosën të ndryshojnë trajner, duke ia besuar drejtimin e skuadrës Inzagit.
Nëpërmjet një komunikatë zyrtare, Bresha bën me dije se Inzagi do të jetë në krye të skuadrës për sezonin e ardhshëm, ku objektivi do të jetë ngjitja në Serinë A. Në urdhrat e Inzagit do të jetë edhe mesfushori i Kombëtares, Emanuele Ndoj, i cili luan për skuadrën e Breshës.
