Real Madrid është e detyruar të durojë sulmuesin Gareth Bejl edhe për një sezon tjetër pasi nuk ka asnjë ofertë në drejtim të uellsianit.
Sipas spanjolles “Mundo Deportivo”, madrilenët janë të gatshëm ta transferojnë dhe me kosto 0 Bejlin, pasi paga e tij faraonike prej 15 milionë eurosh është e papërballueshme. Për momentin nuk ka asnjë ofertë në drejtim të Bejl i cili me shumë gjasa do të presë mbylljen e kontratës me Realin deri në fund të sezonit tjetër.
Bejl u huazua tek Totenhem sezonin e kaluar duke bërë paraqitje mjaft të mira, por u rikthye përsëri te Reali me përfundimin e marrëveshjes.
