Krahas kërkimeve për një portier të konfirmuar, Liverpooli po shikon edhe për një mbrojtës krahu. Jurgen Klopp vëzhgon në Portugali për përforcime dhe emri i studiuar prej tij është ai i brazilianit Alex Telles.
I blerë dy sezone më parë nga Galatarasay, 25-vjeçari është përmirësuar shumë në radhët e Portos dhe tashmë vlera e tij të paktën është 25 milionë euro, shumë që nuk do të përbënte problem për Liverpoolin.
Telles këtë sezon zhvilloi 45 ndeshje dhe fitoi titullin në Portugali, por la shenjë edhe me 4 gola dhe plot 20 asiste.
