Gjatë përcaktimit të kalendarit për sezonin e ri, drejtori sportive i Lacios, Igli Tare, foli në një prononcim për mediat, në lidhje me situatën aktuale në klubin e kaltër si dhe përshtatjen e trajnerit të ri. Në deklaratën e tij, Tare ndër të tjera u shpreh:
“Ardhja e Sarri me të vërtetë ndezi entuziazëm të madh në qytet, tifozët e donin atë fuqimisht dhe ne i kënaqëm. Ne sollëm një trajner të shkëlqyeshëm te Lacio dhe derbi i Romës do të shikohet në të gjithë botën me shumë kënaqësi.
Sarri gjeti një ekip shumë të motivuar, në 5 ditët e para të stërvitjes pashë entuziazëm të madh për punën e tij. Ai vetë tha se është në një vend ku mund të luajë futboll siç i pëlqen.
Luis Alberto? Ai tashmë është kthyer dhe është me skuadrën”, u shpreh Tare.
