Roberto de Zerbi, ish-trajneri i Sassuolo-s i transferuar te Shakhtar Donetsk, ka folur për ish-dy lojtarët e tij Manuel Locatelli dhe Domenico Berardi.
“Allegri i ka bazuar të gjithë skuadrat e tij te mesfusha, kështu që besoj se ka kërkuar Pjanic dhe Locatelli që t’i aktivizojë bashkë. Ku do të luajnë? Lojtarët e fortë dinë të luajnë në çdo pozicion”, ka thënë De Zerbi për Sportitalia.
Për Berardi-n: “Berardi mund të jetë zgjidhja e shumë problemeve për shumë klube të mëdha, por të negociosh me Sassuolo-n nuk është e lehtë. Më pas duhet bindur lojtari që ka refuzuar disa oferta në të kaluarën. Ai është pjekur dhe jam i bindur se do të kishte sukses”.